ერთ-ერთი, ყველაზე ცნობილი ლეგენდა, რომელიც ბაზალეთის ტბასთანაა დაკავშირებული, გახლავთ ჩვილის შესახებ, რომელმაც სოფელი გვალვისგან იხსნა.
გადმოცემის თანახმად, ამ ადგილებში ცხოვრობდა ქალი, რომელსაც შვილი არ უჩნდებოდა, თუმცა, დიდხანს ოცნებობდა ამაზე და ბოლოს, როგორც იქნა, მოხდა სასწაული და ქალს ვაჟიშვილი შეეძინა👶 მაგრამ, ბავშვის დაბადებასთან ერთად, სოფელს თავს გვალვა დაატყდა. სოფლის სასოწარკვეთილმა მცხოვრებლებმა არ იცოდნენ, როგორ მოქცეულიყვნენ. ერთ-ერთ, გვალვისგან სულისშემხუთავ ღამეს კი, ქალმა სიზმარი ნახა, რომ თუ ის თავის შვილს სოფლიდან ოდნავ მოშორებით, მთებში დატოვებდა, მაშინ გვალვა დასრულდებოდა. მან ამის შესახებ ოჯახის წევრებს უამბო, მაგრამ, მსგავსი რამის ჩადენა არც უფიქრია. თუმცა, ოჯახმა გადაწყვეტილება მის გარეშე მიიღო და ბავშვი მთებში წაიყვანეს. დილით კი, იმ ადგილას, სადაც აკვანი იდგა, გაჩნდა სუფთა და გამჭვირვალე ტბა🗻
სოფელი გადარჩა, მაგრამ ქალს იქ ცხოვრება აღარ შეეძლო, რადგან გული, მთებისკენ მიუწევდა, სადაც ტბა იყო. იქ მისული კი, ყოველდღე, ტბას ცრემლებით ავსებდა.
ახლა, ბაზალეთი ყოველწლიურად ლამაზდება. ამბობენ, რომ ბიჭი იზრდება და მშვენდება, მასთან ერთად კი ტბაც ლამაზდება. 💪🧔